Қырғыз Республикасының астанасында екі бауырлас мемлекеттердің президенттері Қасым-Жомарт Тоқаев пен Сооронбай Жээнбеков келіссөздер жүргізді, онда Қазақстан мен Қырғызстан арасындағы ынтымақтастыққа байланысты өзекті мәселелер талқыланды.
Атап айтқанда, кездесу барысында Қазақстан мен Қырғызстан басшылары саяси, сауда-экономикалық және мәдени-гуманитарлық салалардағы ынтымақтастықты дамытудың перспективалы бағыттарын қарастырды. Сонымен қатар Тоқаев пен Жээнбеков халықаралық ұйымдар аясында біріге әрекеттесу мәселелерін талқылады.
Өз кезегінде Қасым-Жомарт Тоқаев біздің республикамыз көрші мемлекетпен ынтымақтастыққа қатысты мәселелерге ерекше мән беретінін мәлімдеді. Бұдан басқа, ол Жээнбековтыию келесі жылы Қазақстанға ресми сапармен келуге шақырды.
Келіссөз соңында мемлекет басшылары Жоғары мемлекетаралық кеңестің шешімдері пакетіне, сондай-ақ Қазақстан мен Қырғызстан президенттерінің бірлескен декларациясына қол қойды.
Бұдан басқа, келесі құжаттарға қол қойылды:
Қазақстан мен Қырғызстан аумағында инвестициялық жобаларды ілгерлету және іске асыру бойынша бірлескен қызмет туралы келісім.
“Қазақстан сауда және интеграция министрлігі мен Қырғыз Республикасы Үкіметі жанындағы экологиялық және техникалық қауіпсіздік жөніндегі мемлекеттік инспекция арасындағы ынтымақтастық және өзара түсіністік туралы” меморандум.
Қазақстан Республикасы Денсаулық сақтау министрлігі мен Қырғызстан Денсаулық сақтау министрлігі арасындағы денсаулық сақтау саласындағы ынтымақтастық туралы келісім.
Қазақстан Республикасының Қорғаныс министрлігі мен Қырғызстан Қарулы Күштерінің Бас штабы арасындағы Қазақстан Республикасы Қарулы күштері мен Қырғыз Республикасы Қарулы Күштерінің әскери әуеайлақтарында әскери әуе кемелерін қабылдауды, әуеайлақтық-техникалық қамтамасыз етуді және күзетуді ұйымдастыру туралы келісім.
Қазақстан Республикасы Қаржы министрлігі мен Қырғызстан Үкіметі жанындағы экономикалық қылмыстарға қарсы күрес жөніндегі мемлекеттік қызмет арасындағы экономикалық және қаржылық қылмыстарға қарсы күрес бойынша ынтымақтастық туралы келісім.
Қазақстан Республикасының Үкіметі мен Қырғыз Республикасының Үкіметі арасындағы Қазақстанның “Қарасу – автожол” және Қырғызстанның” Ақ тілек-автожол” өткізу пункттері арасында жаңа көпір салу және қолданыстағы көпірді қайта жаңарту жөнінде бірлескен іс-қимыл туралы келісім.
Қазақстан Республикасының Үкіметі мен Қырғыз Республикасының Үкіметі арасындағы көші-қон саласындағы ынтымақтастық туралы келісім.
Сурет: inform.kz
