Мемлекет басшысы Қасым-Жомарт Тоқаев Жоғары Еуразиялық экономикалық кеңес аясында Сингапур премьер-министрі Ли Сянь Лунмен кездесті, деп хабарлайды Ақорданың баспасөз қызметі.
Кездесу барысында Қасым-Жомарт Тоқаев Қазақстан мен Сингапур арасында достық қарым-қатынас бар екенін мәлімдеді.
“Қазақстанда сіздің еліңізді құрметтейді. Біз заманауи Сингапурдың негізін қалаушы-әкеңіз Ли Куан Ю, Қазақстан Республикасының Тұңғыш Президенті Нұрсұлтан Назарбаевпен жақын қарым-қатынаста болып 90-шы жылдардың басында Қазақстанға келгені әлі есімізде. Менің ойымша, біздің елдеріміз арасындағы тығыз қарым-қатынас үшін нақты негіз бар”, – деді Тоқаев.
Өз кезегінде, Сингапур үкіметінің басшысы өз елі Қазақстанмен ынтымақтастықты нығайтуға дайын екенін айтты.
“Біз бұл ынтымақтастықты одан әрі дамытуға қуаныштымыз. Мен президент ретінде сіздермен бірлескен жұмысты асыға күтемін”, – деді Ли Сянь Лун.
Кездесуде екіжақты сауда-экономикалық және инвестициялық байланыстарды кеңейтуге қатысты мәселелер талқыланды. Сонымен қатар, тараптар “Астана” халықаралық қаржы орталығы аясындағы өзара іс-қимыл мәселелерін талқылады.
Кездесу қорытындысында Қазақстан Президенті Сингапур көшбасшысын елімізге ресми сапармен келуге шақырды.
“Біз Сізді Қазақстанда,кез келген сіз үшін ыңғайлы уақытта,асыға күтеміз. Сіздің сапарыңыз өзара ынтымақтастықты дамыту үшін бірқатар нақты мәселелерді талқылауға жақсы мүмкіндік болады”, – деп атап өтті Қасым-Жомарт Тоқаев.
