Бүгін Қазақстан Республикасының басшысы Қасым-Жомарт Тоқаев Ресей Федерациясынан әріптесі Владимир Путинмен телефон арқылы сөйлесті. Бұл туралы Кремльдің баспасөз қызметі хабарлайды.
Телефон арқылы сөйлесу барысында екі бауырлас мемлекет басшылары назарын коронавирустық инфекциямен күрес мәселесіне аударды. Осы тұрғыда, Қазақстан мен Ресейдің COVID-19-ға қарсы тұруда одан әрі ынтымақтастығының маңыздылығы атап өтілді.
Сондай-ақ, әңгіме барысында Тоқаев пен Путин Ұлы Отан соғысы Жеңісінің 75 жылдығымен бірін-бірі құттықтап, бұл күн Отан үшін соғысқан бабаларымыздың ерліктерін құрметтейтін Қазақстан Республикасы мен Ресей Федерациясы азаматтары үшін ерекше маңызды екенін атап өтті.
Қазақстан тарапы бастаған телефон арқылы сөйлесудің соңында Қасым-Жомарт Тоқаев пен Владимир Путин індетке қатысты мәселелер бойынша консультациялар жүргізуді жалғастыруға келісті.
Соңғы мәліметтерге сәйкес, біздің республикада коронавирустық инфекцияның 4530 жағдайы ресми тіркелді, олардың ең көп саны Алматыда – 1427 жағдай.
Сурет: rbc.ru
