Қазақстан елордасында “Астана Опера” мемлекеттік опера және балет театрында Қасым-Жомарт Тоқаев пен Нұрсұлтан Назарбаевтың қатысуымен қазақтың белгілі ақыны Абай Құнанбаевтың 175 жылдығына арналған салтанатты рәсім өтуде.
Салтанатты рәсім барысында еліміздің халық әртістері, халықаралық және республикалық конкурстардың лауреаттарының орындауында қазақтың ұлы ақынның сөздері оқылып, әндері шырқалды.
Сондай-ақ, шараға мәдениет және спорт министрлігінің басшысы Ақтоты Райымқұлова қатысып, Абай Құнанбаевтың философиясы қазақстандық мәдени және ұлттық бірегейліктің ажырамас бөлігі болып табылатынын атап өтті.
Бұған дейін Президент Қасым-Жомарт Тоқаев Абай Құнанбаевтың 175 жылдығын атап өту туралы Жарлыққа қол қойды. Сонымен қатар, қазақстандық министрлер кабинетіне қазақтың ұлы ақынының мерейтойын дайындау және өткізу бойынша жалпы республикалық жоспар әзірлеу тапсырылды.
Абайдың 175 жылдық мерейтойына орай Қазақстанда мемлекеттік және халықаралық деңгейде 80-нен астам ауқымды іс-шаралар өткізу жоспарланып отыр. Бұл мақсатқа республика бюджетінен 3 миллиард теңге бөлінді.
Сурет: tengrinews.kz
