Қазақстан Президенті Қасым-Жомарт Тоқаев Иранның Сыртқы істер министрі Мохаммад Джавад Зарифпен кездесіп, халықаралық күн тәртібіндегі өзекті мәселелерді талқылады, деп хабарлайды Ақорданың баспасөз қызметі.
Кездесу Иран Сыртқы істер министрінің Astana Club халықаралық пікірталас алаңының отырысына қатысу үшін республикамыздың астанасына ресми сапары аясында, Қазақстан Президентінің Резиденциясында өтті.
Кездесу барысында Қасым-Жомарт Тоқаев Еревандағы Жоғары Еуразиялық экономикалық кеңестің отырысы аясында Президент Хасан Руханимен өткен кездесудің нәтижелерін еске салды.
Өз кезегінде Иран Сыртқы істер министрлігінің басшысы Президент Тоқаевқа кездесу үшін алғысын білдіріп, Astana Club қызметі туралы өз пікірімен бөлісті.
Сурет: akorda.kz
