Республикамыздың көшбасшысы Қасым-Жомарт Тоқаев Қазақстан парламентінің төменгі палатасына сайлау өткізу туралы Жарлыққа қол қойды. Бұл туралы tengrinews.kz ақпарат агенттігі жазады.
Жарлыққа сәйкес, парламенттік сайлау келесі жылдың 10 қаңтарына жоспарланған. Мәжілістегі орындар үшін алты саяси бірлестік күресетін болады. Олар: басқарушы Nur Otan партиясы, “Ақ жол” демократиялық партиясы, Қазақстанның Коммунистік халықтық партиясы, Жалпыұлттық социал-демократиялық партиясы, “Ауыл” халықтық-демократиялық патриоттық партиясы және “Бірлік”саяси партиясы.
Қасым-Жомарт Тоқаев өз жарлығында Орталық сайлау комиссиясына алдағы парламенттік сайлауды дайындау мен өткізуді ұйымдастыруды тапсырды.
Министрлер Кабинеті мен Нұр-Сұлтан, Алматы және Шымкент қалаларының әкімдеріне Мәжіліс сайлауын өткізуді қамтамасыз етуге бағытталған барлық қажетті шараларды қабылдау тапсырылды.
Бұған дейін Денсаулық сақтау министрі Алексей Цой парламенттің төменгі палатасына сайлау қашықтықтан өтуі мүмкін екенін айтқан болатын. Алайда, республикада олай болмайды деген пікір бар, өйткені онлайн-дауыс беру жүйесі Қазақстанда әлі орныққан жоқ.
Сурет: vlast.kz
