Қазақстан Президенті Қасым-Жомарт Тоқаев бүгін Қостанай облысының әкімі Архимед Мұхамбетовпен кездесті. Бұл туралы Ақорданың баспасөз қызметі хабарлады.
Мұхамбетов президентті егін ору жұмыстарына дайындық барысы, өңірдің агроөнеркәсіп кешенін дамыту және машина жасау саласындағы инвестициялық жобаларды жүзеге асыру барысының мән-жайы туралы айтты.
Тоқаев егін жинау жұмыстарын уақытылы өткізу мен тұқым қорын дайындаудың маңыздылығын атап өтті. Сондай-ақ, ол тұрғын үй құрылысы мен әуежайды қалпына келтіру қарқынын жеделдету қажеттігін айтты.
Кездесу соңында мемлекет басшысы өңір әкіміне Арқалықты жылумен қамтамасыз ету жүйесін қайта құру бойынша ұсыныстар енгізуді тапсырды.
Сурет: Nur.kz
