Президент Қасым-Жомарт Тоқаев, 2019 жылдың ақпан айынан бері Республиканың атқарушы билігінің басшысы лауазымында қызмет етіп келе жатқан Асқар Маминнің қайта сайлануына қатысты пікір білдірді. Бұл туралы today.kz ақпарат агенттігі хабарлайды.
Қазақстан басшысының айтуынша, Мамин – жұмыс тәжірибесі мол, білікті әрі еңбекқор мемлекеттік қызметкер.
«Алдымызда тұрған мақсаттарды жақсы түсінеді. Оның Үкіметтегі нәтижелі жұмысы соның айқын дәлелі», – деді Президент Тоқаев.
Сонымен қатар, мемлекет басшысы Маминнің басшылығымен Үкімет дағдарысқа қарсы жоспарды тиімді жүзеге асыра алғанын атап өтті.
Осыған байланысты Қасым-Жомарт Тоқаев еліміздің премьер-министрі қызметіне Асқар Маминнің кандидатурасын ұсыну туралы шешім қабылдады.
«АҚ жол» Демократиялық партиясының және ребрендингке дейін Қазақстанның Коммунистік халықтық партиясы болған, қпзіргі Халықтық партияның мүшелері Маминнің қайта сайлануына қарсы шықты. Алайда, бұл оның қайтадан Қазақстан Министрлер Кабинетінің басшысы болуына кедергі бола алмады.
