Қазақстан президенті Қасым-Жомарт Тоқаев Нұрсұлтан Назарбаевқа Халық Қаһарманы атағын берді, деп хабарлайды Tengrinews.kz жорналшысы.
Тоқаев Тұңғыш Президент және мемлекеттік наградалар туралы заңдарға сүйене отырып, Нұрсұлтан Назарбаевқа «Алтын жұлдыз» ерекшелік белгісін және «Халық Қаһарманы»атағын берді. Сонымен қатар, Қ. Тоқаев Елбасының Тәуелсіз Қазақстанның құрылысына қосқан тарихи үлесін, елдің экономикалық, әлеуметтік және гуманитарлық дамуына және қазақстандық қоғамды біріктірудегі аса зор еңбегін атап өтті.
«Халық Қаһарманы» атағы Қазақстан Республикасындағы ең жоғарғы ерекшелік дәрежесі болып табылады.
Тоқаев сондай-ақ Назарбаевтың портреттері бұрынғысынша Мемлекеттік мекемелердің ғимараттары мен кабинеттерінде болады деп хабарлады. Сонымен қатар, Назарбаев құрметіне елордада монумент орнатылады.
Естеріңізге сала кетейік, 19 наурызда Республикалық теледидар арналарында сөйлеген сөзінде Назарбаев өзінің президенттік өкілеттігінің тоқтатылғаны туралы жариялады. Ол қазақстандықтарға президенттік сайлауда көрсеткен қолдауы үшін алғысын білдірді және Қауіпсіздік Кеңесінің төрағасы бола тұрып, ішкі және сыртқы саясатты басқаруда маңызды өкілеттіктер берілген елдің азаматы, Тұңғыш Президент, Елбасы, Ұлт Көшбасшысы мәртебесінің иесі ретінде халықпен бірге болатынын мәлімдеді
Сурет: Турар Казангапов
