Қазақстан президенті Қасым-Жомарт Тоқаев Нұр-Сұлтандағы бірқатар инновациялық экожүйе нысандарын аралады. Бұл туралы мемлекет басшысының баспасөз қызметі хабарлады.
Бастапқыда Қасым-Жомарт Тоқаев Alem бағдарламалау мектебіне барды.Онда Президентке білім беру бағдарламасы туралы ақпарат берілді. Сапар барысында ол осы оқу орнының оқушыларымен кездесіп, қазіргі әлемдегі IT-саланың өзектілігі туралы әңгімеледі.
Одан кейін мемлекет басшысы Astana IT University ақпараттық технологиялар университетінде болды. Онда осы жоғары оқу орнының жұмысы туралы ақпарат берілді. Президент бұл оқу орынында оқу зертханалары мен аудиторияларын тексерді.
Осы оқу орнының студенттерімен кездесу барысында Қасым-Жомарт Тоқаев болашақта лайықты мамандық табу үшін, жақсы білім алуға шақырды. Осы мүмкіндікті пайдалана отырып, Президент университет Тұңғыш Президент Нұрсұлтан Назарбаевтың бастамасымен құрылғанын атап өтті.
«Оның беделді болатынына және ең бастысы, білікті мамандарды дайындайтынына менің күмәнім жоқ. Сіз жақсы оқыған сайын, осы күрделі және айтып білгісіз өмірде мүмкіндігіңіз көп болады», — деді Тоқаев.
Сурет: Akorda.kz
