Қазақстан президенті Қасым-Жомарт Тоқаев Continental Logistics ЖШС көлік-логистикалық орталығының жұмысын тексерді. Бұл туралы мемлекет басшысының баспасөз қызметі хабарлады.
Бұл көлік-логистикалық орталық Нұр-Сұлтанда орналасқан, ал оның қоймасында 6 мың тоннадан астам әлеуметтік маңызыды азық-түлік тауарлары сақталуда.
Орталықты аралау барысында Ауыл шаруашылығы және сауда министрлері Сапархан Омаров пен Бақыт Сұлтанов президентке азық-түлік бағасының негізсіз өсуіне жол бермеу үшін қабылданып жатқан шаралар, сондай-ақ көкөніс, ұн және бидай жеткізу туралы баяндады.
Қазақстан басшысы өз кезегінде Министрлер Кабинетіне өңірлер мен қалалардың әкімдерімен бірге азық-түлік бағасының өсуіне жол бермеу үшін барлық шараларды қабылдау қажет екенін мәлімдеді. Сонымен қатар оларға тұрақтандыру қорларын толықтыру тапсырылды.
Сондай-ақ, көлік-логистикалық орталыққа барған кезде Қасым-Жомарт Тоқаев төтенше жағдай кезінде тауарларды үздіксіз жеткізуді қамтамасыз етудің маңыздылығына назар аударды.
Сонымен қатар, мемлекет басшысы Орталық Азия елдері Қазақстаннан гуманитарлық көмек сұрайтын болса, біздің еліміз оны көрсетеді деп мәлімдеді.
«Көршілес Орталық Азия мемлекеттеріне келетін болсақ, біз гуманитарлық көмек көрсетуге дайынбыз. Қазақстан өңірдегі көшбасшы болып табылады, бұл бізді осы кезеңде қажет ететін елдерге көмектесуге міндеттейді», — деп атап өтті Тоқаев.
Сурет: akorda.kz
