Бүгін Еріктілер жылының ресми жабылу рәсімі өтті, оған республикамыздың көшбасшысы Қасым-Жомарт Тоқаев қатысты. Індет жағдайына байланысты іс-шара бейнеконференция форматында өтті, деп хабарлайды Ақорданың баспасөз қызметі.
Мемлекет басшысы өз сөзінде бүгінгі таңда еріктілік қоршаған ортаны қорғауда маңызды рөл атқаратынын атап өтті.
“Экоактивизм – бұл сән үрдістеріне құрмет емес, біздің табиғатымызды сақтауға мүмкіндік беретін шұғыл қажеттілік, өмірлік қағидат”, – деді Тоқаев.
Сондай-ақ, Президент өзінің Министрлер Кабинетіне еріктілер қызметін көтермелеуге және ынталандыруға мүмкіндік беретін тиімді құқықтық тетіктерді әзірлеуді тапсырғанын айтты.
Сонымен қатар, ол қазіргі уақытта Қазақстанда жаңа заң бойынша жұмыс жүріп жатқанын, оған сәйкес қайырымдылық және еоіктілер ұйымдары нақты заңды мәртебеге ие болатынын атап өтті. Бұл олардың жұмысын барлық қажеттіліктермен қамтамасыз етеді.
Қасым-Жомарт Тоқаев еріктілер жұмысы Қазақстанда жалғасатынын, мемлекет бұдан әрі де олардың қызметіне қолдау көрсететінін айтты.
Сурет: inform.kz
