Қазақстан президенті Қасым-Жомарт Тоқаев Ұлытаудағы Халықаралық туристік форумда Жошы хан кесенесі мәдени туризм нысанына айналуы тиіс деп мәлімдеді, деп хабарлайды Ақорданың баспасөз қызметі.
“Біз Алтын Орда негізін қалаушы Жошы ханға міндетті түрде құрмет көрсетуіміз керек. Бүкіл әлем назарын Жошы ханның тарихи тұлғасына аударып, оның кесенесін мәдени туризм нысанына айналдыру керек”, – деді мемлекет басшысы.
Сонымен қатар, Қасым-Жомарт Тоқаев Ұлытау халықаралық деңгейдегі этнографиялық туризмнің орталығына айналуы тиіс екенін айтты.
Тоқаев біздің және шет елдердің кейбір азаматтары Шыңғысханның үлкен ұлы кесенесінің Қазақстан Республикасында орналасқанын білмейтінін атап өтті.
