Қазақстан президенті Қасым-Жомарт Тоқаев Ұлттық қоғамдық сенім кеңесі мүшелерімен бірқатар кездесулер өткізді. Бұл туралы Ақорданың баспасөз қызметі хабарлады.
«Байтақ болашақ» экологиялық альянсы» РҚБ президенті Азаматхан Әміртаевпен кездесу барысында республикадағы экономикалық ахуалға қатысты мәселелер талқыланды.Сонымен қатар, тараптар Қазақстан халқының экологиялық санасы мен мәдениетінің деңгейін арттыру мәселелерін қарастырды.
«Қазақстан барысы» қоры қамқоршылық кеңесінің төрағасы Арман Шораевпен кездесуде мемлекет басшысы ішкі және сыртқы туризм саласындағы проблемаларды шешудің негізгі бағыттары туралы хабардар етті.
Қасым-Жомарт Тоқаев қоғамдық қайраткер және саясаткер Айдос Сарыммен кездесті. Әңгіме барысында еліміздегі гуманитарлық ғылымдарды дамыту мәселелерін талқылады. Сонымен қатар, идеологиялық саясат және «Рухани жаңғыру» бағдарламасын жүзеге асыру мәселелері қаралды.
Қазақстан Президенті Ұлттық қоғамдық сенім кеңесінің бірінші отырысынан кейін кеңес мүшелерінің ұсыныстарын зерделеу бойынша ауқымды жұмыс жүргізілгенін атап өтті.
«Нақты нәтижелерге қол жеткізілді. Жақын арада заңнамадағы кейбір өзгерістерді пысықтау керек, содан кейін Ұлттық кеңестің екінші отырысы шақырылатын болады», – деді Тоқаев.
Сурет: Bnews.kz
