Қазақстан Президенті Қасым-Жомарт Тоқаев «Ұлттық нейрохирургия орталығы» АҚ басқарма төрағасы Серік Ақшолақовпен кездесті. Бұл туралы мемлекет басшысының баспасөз қызметі хабарлады.
Кездесу барысында Серік Ақшолақов Қасым-Жомарт Тоқаевқа Ұлттық нейрохирургия орталығы қызметінің нәтижелері туралы баяндады. Сонымен қатар, еліміздің Президенті оның одан әрі даму перспективалары туралы хабардар болды.
Әңгіме барысында мемлекет басшысына орталық қызметінің жаңа бағыттары, атап айтқанда, микронейрохирургия, эндоваскулярлық, эндоскопиялық, функционалдық нейрохирургия пайда болғанын айтты.
Сонымен қатар, басқарма төрағасы Тоқаевқа Орта Азиядағы тұңғыш кешеннің базасында жақында «гамма-пышақ» пайдалануға берілетіні туралы хабарлады, оның көмегімен күрделі нейрохирургиялық операцияларды жасауға болады.
Өз кезегінде, Қазақстан Президенті біздің елімізді толық қамтуы тиіс жоғары білікті және қол жетімді медициналық көмек мәселесіне ерекше назар аударды.
