Қазақстан Республикасының Басшысы Қасым-Жомарт Тоқаев Ұлттық банк пен министрлер кабинетіне кәсіпкерлік субъектілерін жеңілдікпен несиелендіру жөнінде шаралар қабылдауды тапсырды. Бұл туралы «ҚазТАГ» ақпарат агенттігі жазады.
«Шағын және орта бизнестің осал санаттары үшін салықтық ынталандыруды қарастыру қажет. Бұл сауда нысандары, кинотеатрлар, театрлар, көрмелер, спорт нысандары», — деді Қасым-Жомарт Тоқаев.
Сонымен қатар, Президент Тоқаев «Бизнестің жол картасы-2025» мемлекеттік бағдарламасы аясында несиенің жоғарғы шегі 7 миллиард теңгеге дейін артатынын, бұл ретте соңғы мөлшерлеме 6%-ды құрайтынын атап өтті.
Сондай-ақ Мемлекет басшысы Қазақстан Үкіметіне тағы бір тапсырма берді.Министрлер кабинетіне туристік фирмаларға қолдау көрсетуге бағытталған ынталандыру шараларының пакетін әзірлеуге кірісу тапсырылды.
Қасым-Жомарт Тоқаев Үкіметке мұндай тапсырманы қазақстандық турфирмалар тарапынан түскен көптеген өтініштер негізінде бергенін түсіндірді.
Сурет: v-credit.com
