Мемлекет басшысы Қасым-Жомарт Тоқаев Ақмола облысын дамыту жөніндегі кеңесте сөйлеген сөзінде әлеуметтік маңызы бар өнім бағасының өсуіне қатысты проблемалық мәселені қозғады.
Қасым-Жомарт Тоқаев бүгінгі таңда әлеуметтік маңызы бар өнімдер бағасының өсуі инфляциядан айтарлықтай озып отырғанын мәлімдеді. Мысалы, Көкшетауда ұн бағасының ең жоғары өсімі 47%-ға жетті, ал қала еліміздің басты астық аймағының орталығы болып табылады.
Президенттің айтуынша, мұндай үстеме бағалар баға белгілеуге қажетті бақылаудың жоқтығынан. Осыған байланысты Тоқаев Үкімет басшысына туындаған жағдайды шеше алмаған адамдарды жазалауды тапсырды.
“Тапсырманы орындай алмады немесе қаламады. Егер олар дәрменсіз болса, біз оларды басқа қызметкерлермен алмастырамыз. Кадрлар бәрін шешеді. Бізде таптырмайтын қызметкерлер жоқ”, – деді мемлекет басшысы.
Сондай-ақ, Ақмола облысын дамыту жөніндегі кеңес аясында Қасым-Жомарт Тоқаев көмірге баға белгілеу мәселесіне де назар аударды.
Өз кезегінде қазақстандық министрлер кабинеті басшысының орынбасары Роман Скляр көмір өндіретін кәсіпорындар көмірді жеткілікті мөлшерде өндіретінін айтты.
“Қазір дүрлікпе жоқ. Мүмкін болатын монополиялық келісімді тексеру бойынша берілген тапсырма желтоқсанда аяқталады. Жағдайды бақылауда ұстаудамыз”, – деді Скляр.
