Қазақстан Республикасының Президенті Қасым-Жомарт Тоқаевтың Жарлығымен Кувейтте және Пәкістанда Қазақстанның жаңа елшілері тағайындалды, деп хабарлайды ҚР Президентінің баспасөз қызметі.
«Мемлекет басшысының жарлығымен: Ембердиев Дәулет Тазабекұлы Қазақстан Республикасының Кувейт Мемлекетіндегі төтенше және өкілетті елшісі; Рахметуллин Ақан Ақасұлы Қазақстан Республикасының Пәкістан Ислам Республикасындағы төтенше және өкілетті елшісі болып тағайындалды», – деп хабарлады президенттің баспасөз қызметі.
Жаңа лауазымға ауысуына байланысты Алмас Абдраманов Қазақстан Республикасының Кувейттегі төтенше және өкілетті елшісі қызметінен босатылды, ал Барлыбай Садықов Қазақстанның Пәкістандағы елшісі қызметінен босатылды.
Сурет: Kaztag.info
