Төтенше жағдай режимін қамтамасыз етуге жауап беретін мемкомиссияның отырысы аясында мемлекет басшысы Қасым-Жомарт Тоқаев коронавирус туралы қауесетті тарату жайында өз пікірін білдірді, деп хабарлайды «Қазақпарат» агенттігі.
Қасым-Жомарт Тоқаевтың айтуынша, төтенше жағдай кезінде ақпараттық қауіпсіздікті қамтамасыз етуге ерекше көңіл бөлу қажет. Ол халық арасында үрей тудырып, қоғамдық тәртіптің тұрақсыздығына жол беруге болмайтынын айтты.
Осыған байланысты Президент Тоқаев коронавирустық инфекция туралы жалған ақпаратты таратудың жолын кесу бойынша жұмысты ерекше бақылауға алуды тапсырды.
Сонымен қатар, Қазақстан Президенті дұрыс емес мәліметтердің авторларын ұстап, мемлекетіміздің заңнамасына сәйкес жауапкершілікке тарту қажеттігін атап өтті.
«Халыққа кез келген ақпаратқа соқыр сенуге болмайтынын, арандатушыларға және ақымақ адамдарға біздің азаматтарымыздың сенімінен айла-шарғы жасауға мүмкіндік берілмейтіндігін түсіндіру керек», — деп мәлімдеді президент.
Бүгінгі таңда Қазақстанда коронавирустың күрделі жағдайына байланысты мемлекет басшысының тапсырмасы бойынша енгізілген төтенше жағдай режимі жұмыс істейді.
Төтенше жағдай режимі ағымдағы жылдың 15 сәуіріне дейін әрекет етеді деп жоспарлануда, алайда президент айтқандай, қажет болған жағдайда ол ұзартылуы мүмкін.
Сурет: inform.kz
