Қазақстан президенті Қасым-Жомарт Тоқаев мемлекеттік қызмет істері агенттігінің төрағасы Анар Жайылғановамен, Шымкент қаласының әкімі Ерлан Айтахановпен және Қарағанды облысының әкімі Жеңіс Қасымбековпен бірқатар кездесулер өткізді, деп хабарлайды Ақорданың баспасөз қызметі.
Қасым-Жомарт Тоқаев мемлекеттік қызмет істері агенттігінің басшысымен кездесу барысында президенттік жастар кадрлық резервіне конкурс өткізу туралы хабардар болды. Өз кезегінде мемлекет басшысы байқауды әділ өткізудің маңыздылығын атап өтті.
Президент жастар кадрлық резервіне ең үздік үміткерлерді іріктеу қажеттігін, сондай-ақ оларды жұмысқа орналастыру мәселесін шешудің маңыздылығын атап өтті.
Қарағанды облысының әкімі Тоқаевпен кездесуде осы жылдың 9 айының қорытындысы бойынша өңірдің әлеуметтік-экономикалық дамуы туралы хабарлады. Сонымен қатар, Қасымбеков президентке облыста іске асырылып жатқан инвестициялық жобалар мен әлеуметтік инфрақұрылымның жай-күйі туралы баяндады.
Қасым-Жомарт Тоқаев әкімнің баяндамасын тыңдап, оған әлеуметтік маңызы бар азық-түлік бағасын бақылауға алуды тапсырды. Сондай-ақ, Қасымбековке жылыту маусымы барысын және атаулы әлеуметтік көмек көрсетуді бақылауды тапсырылды.
Мемлекет басшысы Шымкент қаласының әкімімен кездесу аясында тұрғындардың әл-ауқатын жақсарту және қосылған аумақтардың инфрақұрылымын жетілдіру жөніндегі жүргізіліп жатқан жұмыстармен, сондай-ақ қаланы дамытудың үш жылдық жоспармен танысты.
Қала басшысымен кездесу соңындаТоқаев қаланың шет аймағын қажетті инфрақұрылыммен қамтамасыз ету жұмыстарын жандандыруды тапсырды.
Сурет: Bnews.kz
