Мемлекет басшысы Қасым-Жомарт Тоқаев еліміздің елордасында Индустрияландыру күніне арналған іс-шараға қатысты. Бұл туралы Қазақстан президентінің баспасөз қызметі хабарлады.
Іс-шараға қатысушылар алдында сөйлеген сөзінде Президент Тоқаев келесі жылдан бастап елімізде өткен бес жылдық бағдарламалардың қателіктерін ескере қорытындылайтын үшінші индустрияландыру бағдарламасын іске асыру басталатынына назар аударды.
Осы бағдарлама туралы айта келе, Қасым-Жомарт Тоқаев шығарылатын өнімді технологиялық жағынан күрделендіретін, өңделген өнім экспортын ұлғайтатын, сондай-ақ жаңа жұмыс орындарын құратын міндеттерді шешуге тиіс екеніне назар аударды.
Мемлекет басшысының айтуынша,бұл мемлекеттік бағдарлама экономиканың құрылымдық өзгеруінің басты факторы болуы тиіс. Сонымен қатар, ол индустриялық саясаттың түпкі мақсаты Қазақстан халқының әл-ауқатын арттыру және Қазақстан экономикасының теңгерімді өсуі болып табылатынын атап өтті.
