Мемлекет басшысы Қасым-Жомарт Тоқаев коронавирус инфекциясына қарсы вакциналауға толық дайындықты қамтамасыз етуді талап етті. Президент бұл тапсырманы Министрлер Кабинетінің кеңейтілген отырысында берді. Бұл туралы Ақорданың баспасөз қызметі хабарлады.
Тоқаев бүгінгі таңда вакциналау — бүкіл адамзат үшін қауіпке айналған коронавирус індетін еңсеру үшін ең нәтижелі шара бодатынын атап өтті. Сонымен қатар, ол вакциналау біздің республикамыздағы эпидемиологиялық жағдайды түзететінін атап өтті.
Алайда, Қазақстан көшбасшысы коронавирусқа қарсы мәжбүрлі вакциналау болмайтынын, кез келген адам COVID-19-ға қарсы егуден бас тарта алатынын нақтылады.
Қазақстан Республикасында коронавирус инфекциясына қарсы жаппай вакциналау 1 ақпанда басталады. Вакциналау үшін ресейлік «Спутник V» вакцинасы қолданылады, ол COVID-19 штамдарына және Британдық мутацияға қарсы тиімді.
Денсаулық сақтау министрлігінің деректері бойынша, қазақстандықтарды бастапқыда Ресейден импортталған «Спутник V» препаратымен вакциналайды, ал 15 ақпаннан бастап Қазақстан аумағында, атап айтқанда Қарағанды фармацевтикалық зауытында дайындалған вакцина қолданылады.
Сурет: vedomosti.ru
