Қазақстан Республикасының Президенті Қасым-Жомарт Тоқаев биылғы жылдың желтоқсан айында Германия Федеративтік Республикасына ресми сапармен барады.
Қазақстандық бизнесмендер мемлекет басшысының алдағы Германияға сапарына белсенді дайындалып жатыр,олар неміс орта және шағын бизнесін экономикалық ынтымақтастыққа шақыруда.
Германияның Қазақстандағы төтенше және өкілетті елшісі Тило Клиннер Қазақстан Президентінің оның еліне ресми сапары екі ел арасындағы ынтымақтастықты дамытуға жаңа серпін беретінін мәлімдеді. Оның айтуынша, Бундестагта Тоқаевтың сапарына үлкен үміт артады.
«Биылғы жылдың ең маңызды элементі — Қазақстан Президентінің желтоқсан айындағы сапары. Біз мұны ұйымдастырғанымызға өте қуаныштымыз. Біз одан Неміс-Қазақстан қарым-қатынасы білікті жоғарлайды деп ойлаймыз. Бұл бізде көптеген мүмкіндіктер, ынтымақтастық мүмкіндіктері бар дегенді білдіреді. Біз мұнай мен газдың маңызды элементі бар Қазақстан экономикасын кеңейту үшін ауыл шаруашылығына көңіл бөлеміз. Бірақ Үкімет экономика базасын кеңейтуді қалайтынын білеміз. Неміс кәсіпорындары сенімді серіктес бола алады», — деп атап өтті Тило Клиннер.
