Мемлекет басшысы Қасым-Жомарт Тоқаев Гумилев атындағы Еуразия ұлттық университетінің ректоры Ерлан Сыдықовты қабылдап, онымен осы ЖОО-ның даму перспективаларын талқылады, деп хабарлайды «ҚазТАГ» жаңалықтар ресурсы.
Кездесу барысында Президентке университеттің ағымдағы қызметі туралы ақпарат берілді. Сондай-ақ, оған оқу орнының 2020-2025 жылдарға арналған даму стратегиясын іске асыру жоспары туралы айтылды.
Қасым-Жомарт Тоқаев өз кезегінде жоғары оқу орнының жұмысына оң баға беріп, бұл университет бүкіл Орталық Азияда көшбасшы болуы үшін барлық жағдайды жасау қажеттігін айтты.
Президент ректормен кездесу барысында қазақ ақыны және ойшылы Абай Құнанбаевтың мұрасын шетелде насихаттау жұмысының маңыздылығын атап өтті.
Сонымен қатар, Тоқаев Сыдықовқа Еуразия университетінің базасында оқу-зертханалық кешенін салуды тапсырды.
Бұған дейін Қазақстан басшысы премьер-министр Асқар Маминмен кездесіп, оған коронавирустық инфекцияның таралуына жол бермеу үшін эпидемиологиялық жағдайды қатаң бақылауда ұстауды тапсырғаны хабарланған.
Сурет: enu.kz
