Халықаралық әйелдер күніне орай Қазақстан президенті Қасым-Жомарт Тоқаев өз құттықтауында ел үшін әйелдер құқығын қорғау басымдыққа ие екенін айтты.
“Біздің еліміз әйелдердің құқықтарын қорғауға және олардың әлеуетін толыққанды іске асыру үшін жағдай жасауға басым назар аударады.
Мемлекеттің жүйелі қолдауының арқасында әйелдердің экономикаға, саясатқа, қоғамдық қызметке қатысуы дәйекті түрде кеңеюде”, – делінген Тоқаевтың құттықтауында.
“Тәуелсіздік жылдарында біз әйелдердің түрлі салалардағы көптеген жетістіктерінің куәсі болдық. Біздің әйелдердің жетістіктері еліміздің барлық азаматтарын ынталандырады, жастарға жақсы үлгі болады. Сіздердің белсенді азаматтық ұстанымдарыңыз өзекті қоғамдық мәселелерді табысты шешуге және елдің жан — жақты дамуына ықпал етеді”, – деді Қазақстан Президенті.
Ол қазақстандықтарға “мықты денсаулық, бақыт, амандық, барлық арман-тілектерінің орындалуын” тіледі.
