Бүгін Қазақстан Президенті Қасым-Жомарт Тоқаев «Ақорда» резиденциясында экономикалық мәселелер бойынша кеңес өткізді. Бұл туралы мемлекет басшысының баспасөз қызметі хабарлады.
Кеңес барысында ағымдағы жылдың қаңтар-шілде айлары аралығындағы әлеуметтік-экономикалық жоспардағы мемлекеттің даму қорытындылары қаралды.
Қазақстан Республикасының Премьер-министрі Асқар Мамин, Ұлттық банк төрағасы Ерболат Досаев, сондай-ақ Еңбек және халықты әлеуметтік қорғау министрі Бердібек Сапарбаев Президент алдында өз баяндамаларын оқыды.
Іс-шараға қатысушылар отандық тауар өндірушілерді қолдау, әлеуметтік маңызы бар тауарлар мен тарифтер бағасын ұстап тұру, атаулы әлеуметтік көмек тағайындау, көп балалы отбасыларды тұрғын үймен қамтамасыз ету, сондай-ақ алдағы оқу жылына және жылыту маусымына дайындық мәселелерін талқылады.
Тоқаев Қазақстан экономикасын дамытуға жаңа тәсілдерді әзірлеудің және оған айтарлықтай серпін берудің ерекше маңыздылығын атап өтті.
Сондай-ақ, мемлекет басшысы күнделікті мәселелерді шешумен қатар, халықаралық нарықтағы қолайсыз үрдістерді ескере отырып, отандық экономиканың орта мерзімді даму проблемаларын айқындау қажеттігін атап өтті.
Кеңес соңында президент бірінші кезекте Үкімет Қазақстан азаматтарының өмір сүру деңгейін бақылап, оның төмендеуіне жол бермеуі тиіс екенін айтты. Тоқаев мемлекет халық алдындағы әлеуметтік міндеттемелерді толық орындауға міндетті екенін мәлімдеді.
Сурет: Zakon.kz
