Біздің Республикамыздың президенті Қасым-Жомарт Тоқаев Михаил Мясниковичтің басшылығымен Еуразиялық экономикалық комиссия Еуразиялық интеграцияны одан әрі дамытуға елеулі үлес қосатынын мәлімдеді, деп хабарлады Ақорданың баспасөз қызметі.
Қазақстан Республикасының басшысы Нұр-Сұлтанда ресми сапармен жүрген ЕЭК Алқасының жаңа төрағасы Михаил Мясниковичпен болған кездесуде осындай мәлімдеме жасады.
Президент Тоқаевтың айтуынша, ЕЭК Алқасының жаңа басшысы Еуразиялық экономикалық одақ комиссия қызметін табысқа жеткізерлік тәжірибесі мол.
Кездесу барысында Қасым-Жомарт Тоқаев пен Михаил Мясникович ЕАЭО-ның одан әрі дамуына байланысты мәселелерді талқылады. Сонымен қатар, Қазақстан Республикасының одақпен өзара іс-әрекеті мәселелеріне назар аударылды.
Кездесу соңында Михаил Мясникович ЕЭК Алқа басшысы лауазымына кандидатураны таңдау кезінде көрсеткен сенімі үшін Қазақстан Президентіне алғысын білдірді, одан кейін осы лауазымдағы жұмыстың басымдықтары туралы айтты.
Сурет: akorda.kz
