Биылғы жылдың 1 қаңтарынан бастап еліміз Еуразиялық экономикалық одаққа төрағалық етті. Осыған байланысты Президент Қасым-Жомарт Тоқаев ЕАЭО-дағы әріптестеріне сөз сөйлеп, шешуді талап ететін бес басты мәселені айтты. Бұл туралы Ақорданың баспасөз қызметі хабарлады.
Тоқаев, біріншіден, Одақта өнеркәсіптік кооперацияға жаңа серпін беру қажет деп мәлімдеді. Қазақстан басшысының пікірінше, мұны агроөнеркәсіптік секторда, сондай-ақ өнеркәсіп пен қызмет көрсету салаларында бірлескен кәсіпорындар құру арқылы жасауға болады.
Екіншіден, Тоқаевтың айтуынша, Одақта қазіргі сауда кедергілерін, ең алдымен одақтас елдердің өзара саудасына неғұрлым теріс әсер ететін кедергілерді жою бойынша шаралар қабылдау қажет.
Сондай-ақ, Қазақстан Президентінің пікірінше, ЕАЭО-да трансшекаралық көлік артериялары мен логистикалық хабтардың әлеуетін жан-жақты іске қосу қажет.
Шешімді қажет ететін төртінші мәселе – сандандыру. Қасым-Жомарт Тоқаев одақта ЕАЭО ішіндегі тауарлар мен қызметтердің қозғалысына тікелей әсер ететін салаларға заманауи технологияларды барынша тезірек енгізу қажет екенін мәлімдеді.
Бесінші мәселе бойынша Тоқаев сыртқы нарықтарға шығуды атады. Қазақстан басшысының пікірінше, одақтас елдерге үшінші мемлекеттермен сауда-экономикалық байланыстарды белсенді дамыту қажет.
ЕАЭО құрамына Қазақстаннан басқа Ресей, Қырғызстан, Армения және Беларусь кіреді. Біздің еліміз осы мемлекеттердің барлығымен өзара тиімді қатынастар орнатты.
