Бүгін Қазақстан Президенті Қасым-Жомарт Тоқаев Дүниежүзілік банктің вице-президенті Сирил Мюллермен кездесті. Кездесу барысында тараптар Дүниежүзілік банк қызметінің Қазақстандағы одан арғы перспективаларын талқылады. Бұл туралы Ақорданың баспасөз қызметі хабарлады.
Мемлекет басшысы Дүниежүзілік банктің вице-президенті Сирил Мюллермен кездесті. Кездесу барысында Дүниежүзілік банктің Қазақстандағы алдағы жылдарға арналған қызметінің перспективалары талқыланды”, – делінген Ақорда хабарламасында.
Мюллер Тоқаевқа әр түрлі секторлардағы ынтымақтастық қорытындылары туралы әңгімеледі. Атап айтқанда, ол ауыл шаруашылығы, жасанды интеллект және жаңа технологиялар салаларындағы бірлескен жобаларды іске асыру тақырыбын қозғады.
Сондай-ақ, тараптар мемлекеттік басқару тиімділігін арттыру және халыққа барлық қажетті мемлекеттік қызметтерді көрсету саласындағы мәселелерді қарастырды.
“Дүниежүзілік банк Қазақстанды Орталық Азиядағы тікелей шетелдік инвестицияларды тарту бойынша көшбасшы деп таниды және алдағы уақытта біздің елімізді осы бағытта барынша қолдауға, сондай – ақ өңірлік кооперацияны дамытуға ықпал етуге ниетті”, – деп түйіндеді хабарламада.
Сурет: Kaztag.info
