Қазақстан президенті Қасым-Жомарт Тоқаев бүгін салтанатты рәсім өткізіп,он мемлекеттің төтенше және өкілетті елшілерінің сенім грамоталарын қабылдады. Салтанатты рәсім әдеттегідей Ақорда резиденциясында өтті. Бұл туралы Мемлекет басшысының баспасөз қызметі хабарлады.
Президентке сенім грамоталарын Гана Республикасының елшісі Лесли Ача Опоку-Уаре, Гватемала Республикасының елшісі Густаво Адольфо Лопес Кальдерон, Дания Корольдігінің елшісі Карстен Сендергорд, Зимбабве Республикасының елшісі Майк Санго, Молдова Республикасының елшісі Андрей Негуца, Сан-Марино Республикасының елшісі Джон Мацца, Словения Республикасының елшісі Бранко Раковец, Черногория елшісі Рамиз Башич, Танзания Біріккен Республикасының елшісі Симон Марко Мумви және Фиджи Республикасының елшісі Манаса Такгисакибау тапсырды.
Салтанатты рәсім басында Қасым-Жомарт Тоқаев дипломатиялық корпус өкілдерінің алдында сөз сөйледі. Ол Қазақстан саяси диалогты нығайтуға, сондай-ақ төтенше және өкілетті елшілер бар мемлекеттермен сауда және экономикалық тұрғыдан ынтымақтасуға дайын екенін мәлімдеді.
Салтанатты рәсім соңында мемлекет басшысы елшілерге жұмыста табыс пен жемісті қызмет тілеп,дипломатиялық корпус өкілдері арқылы мемлекет басшыларына ізгі тілектер жолдады.
