Мемлекет басшысы Қасым-Жомарт Тоқаев бала құқықтары жөніндегі уәкіл Аружан Саинмен кездесу өткізді. Бұл туралы Қазақстан президентінің баспасөз қызметі хабарлады.
Кездесу барысында республикамыздағы балалардың денсаулығы мен әлеуметтік қорғалуына, зорлық-зомбылыққа қарсы іс-қимылға қатысты мәселелер талқыланды.
Әңгіме барысында Аружан Саин Тоқаевтың назарын жаңа туған балалар мәселесіне аударды. Оның айтуынша,кейбір бала шала туу ретинопатиясынан зардап шегеді,сол себепті бала көру қабілетінен айырылады.
Бала құқықтары жөніндегі уәкіл туындаған проблеманы шешу үшін Қазақстан өңірлеріндегі перинаталдық орталықтар мен перзентханалар базасында тиімді офтальмологиялық көмек ұйымдастыру қажет екенін хабарлады.
Бұл мәселені шешу туралы айта келе, Аружан Саин медицина мамандарының біліктілігін арттыру қажеттігін атап өтті. Сонымен қатар, ол Қазақстанда адам мүмкіндіктерінің халықаралық жіктемесін жылдам енгізудің маңыздылығын айтты.
Ол жоғарыда аталған жіктеме БЦП бар балалардың, сондай-ақ есту, көру және басқа да аурулар мәселелерін шешуге көмектеседі деп түсіндірді.
Өз кезегінде Қасым-Жомарт Тоқаев балалардың құқықтары мен денсаулығын қорғаудың маңыздылығын атап өтіп, бұл мәселені әрдайым жеке бақылауда ұстайтынын мәлімдеді.
Сурет: akorda.kz
