Қазақстан Президентінің ресми сайты Қасым-Жомарт Тоқаев Біріккен Ұлттар Ұйымы Бас хатшысының саяси мәселелер жөніндегі көмекшісі Мирослав Енчпен кездескенін хабарлайды.
Кездесу барысында Қасым-Жомарт Тоқаев БҰҰ Бас хатшысы Антониу Гутерриштің Қазақстан Республикасы мен БҰҰ арасындағы ынтымақтастықты нығайтуға қосқан жеке үлесін атап өтті.
«БҰҰ-мен ынтымақтастық біздің сыртқы саясатымыздың басым бағыты болып табылады. Мен Бас хатшы Антониу Гутерришке ізгі тілектерімді жеткізгім келеді, оған жемісті ынтымақтастық пен еліміздің халықаралық бастамаларын қолдағаны үшін алғыс білдіргім келеді», — деді Қасым-Жомарт Тоқаев.
Сондай-ақ, кездесу аясында қатысушылар өңірлік жобаларды жүзеге асыру тақырыбын қозғады және қазақстандық бітімшілердің БҰҰ миссияларына қатысуын талқылады.
«Біз Қазақстанның өңірлік ынтымақтастық мәселелеріндегі белсенді ұстанымын жоғары бағалаймыз. Сондай-ақ біз үшін Сіздің еліңіздің орнықты даму мақсаттарын іске асыруға жәрдемдесетіні маңызды. Біз сіздерге, Президент мырза, Алматыда БҰҰ-ның жаңа ғимаратын ашқаныңыз үшін ризашылығымызды білдіреміз», — деді Мирослав Енч.
Сурет: inform.kz
