Қазақстан президенті Қасым-Жомарт Тоқаев Азиядағы өзара іс-қимыл және сенім шаралары жөніндегі кеңес (АӨСШК) саммитіне қатысу үшін Тәжікстан астанасы Душанбеге келді. Бұл туралы Президенттің баспасөз хатшысы Берік Уәли өзінің Facebook әлеуметтік желісіндегі ресми бетінде хабарлады.
“Мемлекет басшысы Азиядағы өзара іс-қимыл және сенім шаралары жөніндегі Кеңестің V саммитінің пленарлық отырысына қатысады және бірқатар екіжақты кездесулер өткізеді”, – деді Уәли.
Саммитте Қазақстан, Ресей, Қытай, Иран, Әзірбайжан, Өзбекстан, Қырғызстан, Түркіменстан, Бангладеш және Шри-Ланка басшылары жиналады. Саммитте Ауғанстаннан премьер-министр өкілдік етеді.
Саммитке қатысатын қалған 15 елдің атынан премьер-министрлер, вице-министрлер немесе сыртқы істер министрліктерінің басшылары қатысады.
Әрбір өкілде,саммитке қатысудан басқа бірқатар екіжақты кездесулер жоспарланған.
Айта кетейік, Азиядағы өзара ықпалдастық және сенім шаралары жөніндегі кеңес (АӨСШК) – бұл Қазақстанның бастамасымен 1992 жылы құрылған мемлекетаралық саммит,оның негізгі қызметі Азиядағы қауіпсіздікті қамтамасыз етуді жүзеге асыру жөніндегі диалог, шешімдер қабылдау және шаралар үшін барлық қажетті жағдайлар жасауға бағытталған.
Сурет: Kaztag.kz
