Бүгін, 30 тамыз, Қазақстан Республикасы Конституциясының қабылданғанына 25 жыл толды. Осы күнге байланысты мемлекет басшысы Қасым-Жомарт Тоқаев азаматтарға үндеу жолдап, оларды еліміздің басты заңының мерейтойымен құттықтады.
Қазақстан көшбасшысы халыққа арнаған сөзінде Конституция қабылданғаннан кейін, мемлекетіміздің тарихының жаңа бетң ашылғанын, ол қиын геосаяси жағдайда елдің одан әрі даму бағыттарын айқындағанын атап өтті.
Сонымен қатар, ол Қазақстанның басты Заңымен бекітілген азаматтың құқықтары мен бостандықтары, саяси және әлеуметтік-экономикалық құрылым қағидаттары мықты республика мен әділ қоғам құрудың негізіне айналғанын атап өтті.
Сондай-ақ, Қасым-Жомарт Тоқаев өз сөзінде бүгінгі таңда Қазақстан Республикасының Конституциясы елдің саяси жүйесін одан әрі өзгерту үшін зор әлеуетке ие екенін мәлімдеді.
Республика көшбасшысы мықты конституциялық негіздердің, қоғамдық келісім мен саяси тұрақтылықтың арқасында біздің еліміз кез келген қиындықты еңсеріп, қойылған барлық мақсаттарға қол жеткізе алатынына сенім білдірді.
