Брифингте лингвистикалық комиссияның төрағасы, Лев Гумилев атындағы Еуразиялық Ұлттық Университетінің түркология кафедрасының меңгерушісі, профессор Мырзатай Жолдасбековтың мәлімдемесі бойынша, президенттікке сайлануға үміткер “Nur Otan” партиясынан ұсынылған Қасым-Жомарт Тоқаев қазақ тілінен емтихан тапсырды, – деп хабарлайды Zakon.kz тілшісі.
Жолдасбеков комиссия Президент лауазымына ең басты үміткерден емтихан алғанын мәлімдеді.
Жолдасбековтың айтуынша, тапсырмаларға сәйкес Тоқаев “Абай Құнанбаевтың поэзиясы мен прозасы” тақырыбында шығарма жазды.
Комиссия төрағасы Тоқаевтың тамаша және өте тәлімді жұмыс жазғанын айтты. Мәтінді оқу үшін Шерхан Мұртазаның “Мыңбұлақ”әңгімелер жинағын таңдады. “Өте жақсы оқыды. Эмоционалды. Мәнерлі. Ешқандай наразылық жоқ. Үшінші тақырып, әңгімелесу – “Қазіргі Қазақстанның геосаясаты”. Біз мұқият тыңдадық, комиссияның барлық мүшелері ортақ пікірге келді – ҚР Президенті лауазымына үміткер Қасым-Жомарт Тоқаев мемлекеттік тілді жетік меңгерген деген пікірін білдірді”, – деп Жолдасбеков Тоқаевты мақтады.
Бұған дейін хабарланғандай, Қазақстан Республикасы Президенті лауазымына кандидат ретінде тіркелу үшін қазақ тілін еркін меңгергендігін растау үшін сайлауға қатысуға үміткер лингвистикалық комиссия ұсынған тақырып бойынша көлемі екі беттен аспайтын шығарма жазуға, комиссия ұсынған көлемі үш беттен аспайтын баспа мәтінін оқуға, комиссия берген тақырыпқа кемінде 15 минут бойы көпшілік алдында сөйлеуге тиіс. Комиссия тапсырмаларды алдын ала таңдайды.
Емтихан тапсырушыға емтиханның әр бөліміне дайындалуға уақыт беріледі. Жазбаша тапсырмаға, 30 минутқа ұзарту мүмкіндігімен, кемінде бір сағат, ал 15 минут көпшілік алдында сөйлеуге дайындыққа кемінде бір сағат беріледі.
Сурет: alection.gov.kz
