Мемлекет басшысы Қасым-Жомарт Тоқаев Қазақстанның Халық жазушысы Әбдіжәміл Нұрпейісовті қабылдады. Бұл туралы Ақорданың баспасөз қызметі хабарлады.
Кездесу барысында Қасым-Жомарт Тоқаев Әбдіжәміл Нұрпейісовке “Қазақстанның Еңбек Ері” атағының “Алтын жұлдыз” ерекше белгісін табыс етті.
Айрықша ерекшелік белгісін тапсыру кезінде мемлекет басшысы Әбдіжәміл Нұрпейісов әлемдік кеңістіктегі Қазақстан әдебиетінің көкжиегін дамытуға қосқан зор үлесі үшін республикамыздың жоғары марапатына ие болғанын атап өтті.
“Сіз біздің халқымызға қажетсіз. Сізге зор денсаулық, ұзақ өмір, шығармашылық жетістіктер, бақыт пен амандық тілеймін”, – деді президент.
Өз кезегінде, Қазақстан Халық жазушысы Қасым-Жомарт Тоқаевқа алғысын білдіріп, Қазақстан халқының игілігі үшін атқарған жұмыстарына табыс тіледі.
