Бүгін республика басшысы Қасым-Жомарт Тоқаевтың төрағалығымен Қазақстан Республикасы Ұлттық қауіпсіздік комитеті алқасының кеңейтілген отырысы өтті, деп хабарлайды ҚР Президентінің баспасөз қызметі.
Кездесу ұлттық қауіпсіздік комитетінің орталық аппараты мен аумақтық бөлімшелері басшыларының қатысуымен өтті.
Отырыс басталар алдында Қазақстан Президенті қызметтік міндеттерін орындай отырып, қаза тапқан Қазақстан Ұлттық қауіпсіздік комитетінің қызметкерлерін еске алу ескерткішіне гүл шоқтарын қойды.
Кеңеске қатысушылар алдында сөз сөйлеген Ұлттық қауіпсіздік комитетінің төрағасы Кәрім Мәсімов ведомствоның ағымдағы қызметі және алдпғы жұмыс жоспары туралы мәлімет берді.
Сондай-ақ, отырыс аясында Қасым-Жомарт Тоқаев Ұлттық қауіпсіздік комитетінің құрылымдық және аумақтық органдары басшыларының есептерімен танысты.
Алқа мәжілісін қорытындылай келе, мемлекет басшысы ұлттық қауіпсіздіктің қазақстандық жүйесін жетілдіруге қатысты бірқатар нақты тапсырмалар берді.
Сурет: akorda.kz
