Қазақстан басшысы Қасым-Жомарт Тоқаев республикамызда Халыққа қызмет көрсету орталықтарын жабуды тапсырды. Бұл туралы zakon.kz ақпарат агенттігі хабарлайды.
Бұл тапсырманы президент еліміздегі төтенше жағдай режимін қамтамасыз етумен айналысатын мемлекеттік комиссияның отырысында берді.
Қасым-Жомарт Тоқаев коронавирустың таралуына байланысты әлеуметтік байланыстарды төмендету үшін Халыққа қызмет көрсету орталықтарын жабу қажет деп түсіндірді. Ал қызметтерді онлайн алу мүмкіндігімен қамтамасыз ету қажет.
Бүгінгі таңда біздің елімізде коронавирусты пандемия жариялауына байланысты Қасым-Жомарт Тоқаевтың тапсырмасы бойынша төтенше жағдай режимі енгізілді.
Соңғы мәліметтер бойынша, Қазақстанда коронавирус ауруының 62 жағдайы тіркелді, бұл ретте тек Нұр-Сұлтан, Алматы, Қарағанды қалаларында, Алматы және Ақтөбе облыстарында анықталды.
Сонымен қатар, Қазақстанның басқа өңірлерінде коронавирустық инфекция анықталған жоқ. Осыған байланысты инфекцияның тарамауы үшін барлық шаралар қолданылуда.
Сурет: amp.rbc.ru
