Мемлекет Басшысы Қасым-Жомарт Тоқаев Біріккен Ұлттар Ұйымының Бас Ассамблеясында сөйлеген сөзінде елімізде тұрақты даму мақсаттары бойынша БҰҰ өңіраралық орталығын құруды ұсынды. Бұл туралы Қазақстан президентінің баспасөз қызметі хабарлады.
Қасым-Жомарт Тоқаев осы жазда өткен Астана экономикалық форумының басты іс-шарасы тұрақты даму мақсаттары бойынша бірінші форум болғанын атап өтті.
«Біздің өңір сауда-экономикалық өзара іс-қимылдың жаңа кезеңіне кірді. Бізде бір тағдыр бар, біз ортақ мәселелер мен қатерлерді бірлесіп шешуіміз керек. Орталық ТБО — ның тек Қазақстанда ғана емес, сондай-ақ бүкіл Орталық Азия мен Ауғанстандағы жетістіктерін жеделдетуге шоғырлана алады», — деді Тоқаев.
Сондай-ақ, Мемлекет басшысы бүгінгі таңда біздің еліміз өңірлік және халықаралық деңгейде тұрақты даму мақсаттарын жүзеге асыруда ынтымақтасатынын айтты.
«Бүгін біз осы қадамды нақты іс-қимылға айналдыру үшін пайдаланамыз. Біздің әрқайсымыз алдағы ұрпағымыз үшін әлемдегі қауіпсіз жағдайға үлес қосуға моральдық міндеттіміз», — деді президент.
Сурет: inform.kz
