Қазақстан президенті Қасым-Жомарт Тоқаев Қытайға жасаған мемлекеттік сапары аясында Қазақстан-Қытай Іскерлік кеңесінің 6-шы отырысының ашылуына қатысты. Бұл туралы Ақорданың баспасөз қызметі хабарлады.
Мемлекет басшысы өз сөзінде Қазақстан Республикасының Тәуелсіздік жылдарындағы жетістіктері туралы айтты.
“Дүниежүзілік Банктің” Doing Business ” рейтингісінде Қазақстан әлемнің 190 елінің арасында 28-ші орынға ие болып, алғашқы 30-шы орынға енді. Тәуелсіздік жылдары Қазақстан экономикасына 300 млрд доллардан астам тікелей шетелдік инвестиция тартылды. Біздің еліміз осы көрсеткіш бойынша Орталық Азия өңірінде көшбасшы болып табылады”, – деді президент.
Сондай-ақ, Қасым-Жомарт Тоқаев “Астана” халықаралық қаржы орталығы 250-ден астам компания тіркелген Орталық Азия өңірі үшін бірегей институт болып табылатынын мәлімдеді.
Сонымен қатар, біздің президент өз сөзінде инновациялар мен жаңа технологияларға негізделген Қазақстанның жаңа экономикасын дамытуға ерекше назар аударды.
Мемлекет басшысы Қазақстан Қытаймен ауыл шаруашылығында ынтымақтасуды, атап айтқанда Қытайға ауыл шаруашылығы өнімдерін сатуды жоспарлап отырғанын айтты.
“Белгілі болғандай, Қазақстан жоғары сапалы бидайдың 10-шы әлемдік экспорттаушыларының қатарына кіреді. Өткен жылы Қытайға бидай экспорты 550 мың тоннаға жетті. Біз бұл көлемдерді 3,5 есеге 2 млн тоннаға дейін арттыра алар едік. Қазақстандық тұздың халықаралық нарықтарға экспорттық жеткізілімдері ұлғаюда. Біз Қытайға жылына 100 мың тоннаға дейін ас тұзын жеткізуге дайынбыз. Сонымен қатар, біз Қытай нарығына сүт өнімдерін, құс етін, сиыр етін, қой етін, шошқа етін, сондай – ақ ұн, астық, бұршақ, майлы дақылдарды жеткізуге дайынбыз”, – деді Тоқаев.
