Мемлекет Басшысы Қасым-Жомарт Тоқаев мемлекеттік сапармен Бішкекке келіп, Қазақстан мен Қырғызстанның жоғары мемлекетаралық кеңесінің кезекті отырысына қатысуда. Бұл туралы оның баспасөз қызметі хабарлады.
Кездесуге қатысушылар алдында сөйлеген сөзінде Қасым-Жомарт Тоқаев Қазақстан-Қырғызстан қатынастарының тиімді қалыптасқан көлік инфрақұрылымы, ортақ шекара және Еуразиялық экономикалық одақ аясындағы ынтымақтастығы туралы айтты.
Сондай-ақ, Мемлекет басшысы біздің республика, Қырғыз республикасының экономикасына 1 миллиард доллардан астам қаржы салған, негізгі инвесторларының бірі екенін атап өтті.
Сонымен қатар, Президент Тоқаев бүгінгі таңда бауырлас елде Қазақстан капиталының қатысуымен екі мыңға жуық кәсіпорын жұмыс істейтінін атап өтті. Осыған байланысты ол Қырғызстан министрлер кабинеті алдағы уақытта да еліміздің инвесторларының қызметіне қолдау көрсетіп, қолайлы қарым-қатынас танытатынына сенім білдірді.
Қазақстан мен Қырғызстанның шекара маңындағы аймақтары арасындағы өзара қатынас туралы айта келе, мемлекет басшысы оның қарқынды дамып келе жатқан даму динамикасын атап өтті. Тоқаевтың айтуынша, екі ел арасындағы тауар айналымының 50%-ға жуығы шекаралық аймақтарға тиесілі.
Жоғарыда айтылғандарға сүйене отырып, Қазақстан Президенті бұл жетістіктердің барлығы екі бауырлас ел арасындағы ынтымақтастықтың ерекше мәртебесін айғақтайтындығын мәлімдеді.
