Мемлекет басшысы Қасым-Жомарт Тоқаев республикамыздың Жастар жылының жабылуына байланысты өтетін салтанатты іс-шараға қатысушылардың алдында сөз сөйлеп, қазақстандық студенттер мен еріктілердің шәкіртақысына байланысты мәселеге назар аударды.
Президент Тоқаев келесі жылдан бастап еліміздің жоғары оқу орындарында оқитын студенттердің стипендиясы 25%-ға артатынын мәлімдеді. Сонымен қатар, Мемлекет басшысы отандық колледж студенттеріне стипендияны 25%-ға арттыруды тапсырды.
Стипендияның көтерілуі туралы айта келе, Қасым-Жомарт Тоқаев осындай шаралар мемлекет тарапынан Қазақстан студенттеріне айтарлықтай қолдау болатынына сенім
білдірді.
Сонымен қатар, Президент Тоқаев еріктілерге шәкіртақы көлемін арттыру керектігін айтты. Оның айтуынша, жақын арада Қазақстан үкіметі бұл мәселемен айналысады.
