Қырғызстан астанасында ҰҚШҰ Ұжымдық Қауіпсіздік Кеңесінің сессиясы өтті,онда ұйымға қатысушы елдердің басшылары халықаралық және өңірлік қауіпсіздікке қатысты мәселелерді талқылады. Бұл туралы Ақорданың баспасөз қызметі хабарлады.
Сессияға қатысушылар алдында сөйлеген сөзінде Қасым-Жомарт Тоқаев Қазақстан Ұжымдық қауіпсіздік туралы шарт ұйымы шеңберінде саяси ынтымақтастықты кеңейтуді, ұйымның әскери күшін нығайтуды жоспарлап отырғанын айтты.
Халықаралық қауіпсіздік саласындағы саяси диалогты нығайту туралы айта келе, Тоқаев ҰҚШҰ Еуропа мен Азияны қауіпсіздіктің бірыңғай Еуразия платформасына біріктіре алатынына назар аударды. Оның айтуынша, ол үшін ұйымның беделін арттыру қажет.
Сонымен қатар, мемлекет басшысы Ұжымдық қауіпсіздік туралы Шарт Ұйымы жанындағы әріптес және бақылаушы институттарын жетілдіруге назар аудару қажеттігін айтып, ҰҚШҰ төңірегінде сараптамалық-диалог инфрақұрылымын ұлғайтудың маңыздылығын атап өтті.
ҰҚШҰ-дағы әріптестерінің алдында сөйлеген сөзінде Қазақстан Президенті ұйымның жауапкершілік аймағында, атап айтқанда Ауғанстандағы лаңкестікке қарсы іс-әрекеттерге байланысты мәселелерге назар аударды.
«Ресми билік халық тұратын аумақтың 65%-нан жартысынан астамын ғана бақылайды. Ауғанстанның қалған бөлігі террористік ұйымдардың бақылауында. Оңтүстік осындай қауіптің көзі екенін біле отыра, ҰҚШҰ халықаралық терроризм мен басқа да қауіп-қатерлерге қарсы күресте күш пен құралдарды дайын ұстау қажет», — деді Тоқаев.
Сонымен қатар, Қасым-Жомарт Тоқаев өзінің сөйлеген сөзінде, нәтижесінде Сириядан 600-ге жуық қазақстандық азамат әкелінген, «Жусан» атты арнайы операцияның нәтижелері туралы айтты.
Қорытындылай келе мемлекет басшысы Қырғызстанның Ұжымдық қауіпсіздік туралы шарт ұйымына төрағалық ету кезеңіндегі жетістіктерін атап өтті, сондай-ақ ҰҚШҰ-ға төрағалық еткен Ресей тарапын құттықтады.
Сурет: akorda.kz
