Қазақстан Президенті Қасым-Жомарт Тоқаев Болгарияның вице-президенті Иляна Йотовамен кездесті. Бұл туралы Ақорданың баспасөз қызметі хабарлады.
Кездесу басында мемлекет басшысы Қазақстан Болгариямен ынтымақтастықты одан әрі дамытуға мүдделі екенін хабарлады. Қасым-Жомарт Тоқаев біздің ел үшін Болгария сауда-экономикалық ынтымақтастық және Еуропалық Одақпен өзара қатынас тұрғысынан қызығушылық танытатынын атап өтті.
“Қазақстан жерінде болгарлардың бесінші ұрпағы тұрады. Біз Болгар халқына үлкен құрметпен қараймыз, сіздің мемлекетіңізбен ынтымақтастықты бағалаймыз, екі ел арасындағы қарым-қатынас табысты дамып келеді деп санаймыз”, – деді Тоқаев.
Сонымен қатар, Қазақстан Президенті Болгариямен өзара іс-қимылды нығайту мәселесіне назар аударды. Тоқаевтың айтуынша, екі ел арасындағы ынтымақтастықтың болашақ бағыттарын анықтауда үкіметаралық комиссияның қызметін жандандыру қажет.
Өз кезегінде Болгарияның вице-президенті Қасым-Жомарт Тоқаевтың сөзін қолдап, екі мемлекет арасындағы, соның ішінде Еуропалық Одақ саласы бойынша ынтымақтастықты одан әрі нығайтуға үміт білдірді.
Илияна Йотова мемлекет басшысы Қасым-Жомарт Тоқаевтың халққа Жолдауында айтылған ауқымды реформаларды жүзеге асырудағы Қазақстанның жетістіктерін жоғары бағалады.Бұл бағдарламаның орындалуы Қазақстан халқының әл-ауқатын арттыруға және Үкімет пен азаматтық қоғам арасындағы диалогты ілгерілетуге ықпал етеді деп есептейді.
Кездесу қорытындысы бойынша Болгария вице-президенті Қасым-Жомарт Тоқаевты Павлодар облысына бару жоспары туралы хабардар етті. Онда ол жергілікті Болгар қоғамының өкілдерімен кездеседі.
Сурет: akorda.kz
