Мемлекет басшысы Қасым-Жомарт Тоқаев бүгін Мәдениет және спорт министрі Ақтоты Райымқұловамен кездесу өткізді. Бұл туралы tengrinews.kz. ақпарат агенттігі жазады.
Кездесу Тоқаевты министрліктің мәдениет, спорт, туризм, тіл саясаты, ономастика және мұрағат ісі салалары қызметімен таныстыру мақсатында өтті.
Райымқұлова қазір елімізде бұқаралық спортты дамыту бойынша жұмыстар жүргізіліп жатқанын баяндады. Сонымен қатар, мәдениет қызметкерлерінің жалақысын арттыруға бағытталған бастамалар белсенді іске асырылуда.
Сондай-ақ, министр Президентке коронавирустық инфекция індеті кезінде өткізіліп жатқан онлайн-шаралар туралы есеп берді.
Сонымен қатар, Қасым-Жомарт Тоқаев спортшылардың алдағы Олимпиада ойындарына дайындығы туралы хабардар болды.
Райымқұлованың баяндамасын тыңдағаннан кейін, Республика көшбасшысы оған Жолдауда белгіленген Қазақстандағы бұқаралық спортты қолдау және дамыту бағыттарын іске асыру жөнінде бірқатар тапсырмалар берді.
Сондай-ақ, мемлекет басшысы қазақ әліпбиін латын қарпіне көшіру асықпай және ғалымдармен кеңінен талқылау негізінде жүзеге асырылуы керектігін мәлімдеді.
Сурет: akorda.kz
