Қазақстан президенті Қасым-Жомарт Тоқаев биылғы жылдың 2 қыркүйегінде халыққа Жолдау арнайды. Бұл туралы ол Twitter әлеуметтік желісіндегі өзінің ресми парақшасында хабарлады.
«2 қыркүйекке жоспарлап отырған халыққа Жолдауында Парламентке және Үкіметке есірткі саудасы, педофилия, жыныстық зорлық — зомбылық және жеке тұлғаға қарсы басқа да ауыр қылмыстар үшін қылмыстық жазаны қатаңдатуға қатысты тапсырмалар беріледі», — деп хабарлады Тоқаев Twitter-дегі өз бетінде.
Естеріңізге сала кетейік, соңғы уақытта елімізде зорлық-зомбылық фактілері жиілеп кеткен. 2018 жылдың қараша айында «Тальго» пойызының жолаушысын зорлау туралы ақпарат болды. Екі жолсерік оны зорлады.Екеуі де сотталып, бас бостандығынан айырылды.
Сондай-ақ, Мәжіліс депутаты Дания Еспаева зорлық-зомбылықтарға жасалған қылмыскерлерге жазаны күшейту керектігін айтты. Ол осы сипаттағы қылмыс үшін өте қатаң жазалау керек деп санайды.
