Қазақстан президенті Қасым-Жомарт Тоқаев “Қазақстан Республикасының кейбір заңнамалық актілеріне атом энергиясын пайдалану саласындағы азаматтық-құқықтық жауапкершілік мәселелері бойынша өзгерістер мен толықтырулар енгізу туралы”Заңға қол қойды. Бұл туралы Ақорданың баспасөз қызметі хабарлады.
Осы заң күшіне енгеннен кейін ядролық залал үшін азаматтық-құқықтық жауапкершілік және ядролық қондырғылар операторларында залал келтіргені үшін қаржылық қамтамасыз етудің міндетті болуы енгізіледі.
Заңда қондырғының радиациялық қауіптілік санатына байланысты ядролық қондырғылар операторларының залал келтіргені үшін жауапкершілік атқарудың сараланған шектерін пайдалану көзделеді.
Мысалы, радиациялық қауіптіліктің бірінші санатты ядролық қондырғылар операторлары үшін (атом электр станциялары) бір АҚҚ 1,373 долларға тең болған жағдайда 150 миллион Арнайы қарыз алу құқығы (АҚҚ) мөлшерінде айыппұл енгізу ұсынылады.
Радиациялық қауіптіліктің екінші және үшінші санатты ядролық қондырғылар операторлары үшін 5 миллион АҚҚ мөлшерінде айыппұл салынды. Уәкілетті органның қарауындағы ядролық қондырғылар ерекшелік болып табылады.
Мемлекет, егер оның сомасы жауапкершіліктің шекті сомасынан асып кетсе, залалды өтеуге қатысатын болады.
Сурет: vlast.kz
