Қазақстан президенті Қасым-Жомарт Тоқаевтың төрағалық етуімен халықты әлеуметтік қорғау мәселелері бойынша кеңес өтті. Бұл туралы Қазақстан президентінің баспасөз қызметі хабарлады.
Кеңес аясында Қазақстан Президенті ауыр өмір жағдайындағы республика азаматтарына көбірек көңіл бөлу қажеттігін айтты. Сондай-ақ, Қасым-Жомарт Тоқаев сандық платформаны пайдалана отырып, бірыңғай әлеуметтік картаны енгізу қажет екенін мәлімдеді.
Өз кезегінде ҚР Еңбек және халықты әлеуметтік қорғау министрі Бердібек Сапарбаев баяндама жасады, онда ол атаулы әлеуметтік көмек көрсетудің ағымдағы қызметі туралы әңгімеледі.
«Осы маңызды салада халықтың әлеуметтік осал топтарының жағдайын жақсартуға мүмкіндік беретін үлкен жұмыс жүргізілуде. Сонымен қатар, АӘК беру процедурасын көптеген бұзушылықтар , тіпті алаяқтық тәсімдерді пайдалану сияқты көптеген жағдайлары анықталды, бұл бюджет жоспарланбаған шығындарының өсуіне алып келді», – деді Бердібек Сапарбаев.
Кеңес соңында Қасым-Жомарт Тоқаев Еңбек және әлеуметтік қорғау министріне атаулы әлеуметтік көмек беруді ретке келтіру бойынша шұғыл шаралар қабылдауды тапсырды.
