Қазақстан Президенті “Атамекен” Ұлттық кәсіпкерлер палатасы президиумының төрағасы Тимур Құлыбаевпен кездесті. Бұл туралы Ақорданың баспасөз қызметі хабарлады.
Кездесу барысында Қасым-Жомарт Тоқаевқа Ұлттық кәсіпкерлер палатасының алдағы жоспарлары туралы баяндалды.Сондай-ақ Құлыбаев мемлекеттің ұлттық экономикасын дамыту мен нығайту жоспарына нақты ұсыныстар енгізді.
Тоқаев шағын бизнес пен микробизнесті дамыту қажеттігін айтты.Бұл мақсатта салықсыз режимді неғұрлым тиімді пайдалану қажет.
Тоқаев мемлекеттегі шағын және орта бизнестің ауқымын кеңейту мақсатында өз ісін ашқан немесе ашуға ниет білдірген кәсіпкерлерді оқытуды ұйымдастыру қажет деген пікірін білдірді.
