Алматыда мемлекет басшысы Қасым-Жомарт Тоқаев оңтүстіккореялық технология бойынша құрылған коронавирусты анықтау бойынша мобильді скринингтің жаңа орталығында болды, деп хабарлайды Президенттің баспасөз қызметі.
Орталықты аралау кезінде Тоқаев Алматы әкімі Бақытжан Сағынтаевтың оңтүстік астанадағы санитарлық-эпидемиологиялық жағдай туралы баяндамасын тыңдады, сондай-ақ оңтүстіккореялық Medical Partners Korea компаниясының басшылығымен кездесті.
Бұл компанияның өкілдері республика Президентіне жаңа орталықтың жұмысы мен мүмкіндіктері туралы, Drive-through жүйесімен COVID-19 сынағын өткізу бойынша өз тәжірибесімен бөлісті.
Сонымен қатар, Қасым-Жомарт Тоқаев медициналық қызметкерлермен кездесу өткізді. Олардың ауыр еңбектері үшін алғысын білдіріп, халықаралық мейірбикелер күнімен құттықтады.
«Пандемия — іс жүзінде соғыс. Бүкіл әлем пандемияға қарсы соғыс жариялады. Француздар соғыстың аты соғыс дегендей, бірігіп, біз пандемияны жеңе аламыз», — деді Тоқаев.
Соңғы мәліметтер бойынша, Алматыда коронавирустық инфекцияны жұқтырудың 1622 жағдайы тіркелген, ал біздің елімізде олардың саны 5279 құрайды.
Сурет: akorda.kz
